ਆਪਣੇ ਫ਼ਲੀਟ ਲਈ ਇਲੈਕਟਿ੍ਰਕ ਗੱਡੀਆਂ ਖ਼ਰੀਦਣ ਦੇ ਚਾਹਵਾਨ ਗ੍ਰਾਹਕਾਂ ਲਈ ਅਜਿਹੀਆਂ ਗੱਡੀਆਂ ਨੂੰ ਚਲਾਉਣ ਦੀ ਕੀਮਤ ਦਾ ਅੰਦਾਜ਼ਾ ਲਾਉਣ ਲਈ ਪੀਟਰਬਿਲਟ ਨੇ ਇੱਕ ਨਵਾਂ ਇਲੈਕਟਿ੍ਰਕ ਵਹੀਕਲ ਆਪਰੇਟਿੰਗ ਕੋਸਟ ਕੈਲਕੂਲੇਟਰ ਵਿਕਸਤ ਕੀਤਾ ਹੈ।

ਇਸ ਨੂੰ Peterbilt.com ’ਤੇ ਪ੍ਰਯੋਗ ਕੀਤਾ ਜਾ ਸਕਦਾ ਹੈ ਅਤੇ ਇਹ ਗ੍ਰਾਹਕਾਂ ਨੂੰ ਮਾਡਲ 2205V, 5205V ਅਤੇ 5795V ਮਾਡਲਾਂ ਦਾ ਮਾਲਕ ਬਣਨ ਦੀ ਕੁੱਲ ਕੀਮਤ ਪਤਾ ਕਰਨ ’ਚ ਮੱਦਦ ਕਰੇਗਾ। ਕੈਲਕੂਲੇਟਰ ਇਲੈਕਟਿ੍ਰਕ ਅਤੇ ਡੀਜ਼ਲ ਨਾਲ ਚੱਲਣ ਵਾਲੀਆਂ ਗੱਡੀਆਂ ਵਿਚਕਾਰ ਸ਼ਕਤੀ ਦੀ ਖਪਤ ਦਾ ਮੁਕਾਬਲਾ ਕਰਦਾ ਹੈ।

ਗ੍ਰਾਹਕ ਸਾਲਾਨਾ ਮਾਈਲੇਜ, ਬਿਜਲੀ ਦੀਆਂ ਕੀਮਤਾਂ, ਗੱਡੀ ਦੀ ਕੀਮਤ, ਚਾਰਜਿੰਗ ਸਟੇਸ਼ਨ, ਰਾਹਤ ਆਦਿ ਦੇ ਅੰਕੜਿਆਂ ਨੂੰ ਅੱਗੇ-ਪਿੱਛੇ ਕਰ ਕੇ ਵੇਖ ਸਕਦੇ ਹਨ। ਕੰਪਨੀ ਨੇ ਕਿਹਾ ਕਿ ਕੈਲਕੂਲੇਟਰ ਵਿਸਤਿ੍ਰਤ ਵੇਰਵਾ ਦਿੰਦਾ ਹੈ, ਜੋ ਹਰ ਗੱਡੀ ਦੀ ਕੁੱਲ ਇਲੈਕਟਿ੍ਰਕ ਲਾਗਤ ਅਤੇ ਆਪਰੇਟਿੰਗ ਲਾਗਤ ਨੂੰ ਦਰਸਾਉਂਦਾ ਹੈ।